ഫാല്‍ഗുനത്തിലെ പഞ്ചമിനാള്
നമ്മുടെ വിവാഹദിനം - അന്ന്
കോട്ടയുടെ നെറുകയില്‍
വിജയക്കൊടി പാറിച്ച മനസ്സുമായ് നമ്മള്‍
പൊരിവെയിലില്‍ കുളിര്‍ വിരിയിച്ച്,
കൈകോര്‍ത്തു നിന്നു...
പന്ത്രണ്ടു വര്‍ഷത്തെ കിതപ്പ്... ഇന്ന്;
പ്രധിരോധമയഞ്ഞുതുടങ്ങിയ പ്രായത്തില്‍ ഞാന്‍
'ചോക്ളേറ്റ്' സ്പ്രേയും, 'വലേറോ' വെയറും അണിയുന്നു!
സൗഹൃദ വേദികളില്‍ പൊട്ടിച്ചിരിക്കുന്ന നാം
തനിച്ചാകുമ്പോള്‍ മുഖത്തണിയുന്ന
ഈര്‍ഷ്യയുടെ നിറച്ചാര്‍ത്ത്
എവിടെ വച്ചാണ്‌ സ്വന്തമാക്കിയത്...
ഞാന്‍ നിനക്ക് ഗിഫ്റ്റ് തരില്ലായിരിക്കും
നീ എന്നെ ചുംബിക്കില്ലായിരിക്കും
നാം കേക്ക് കട്ട് ചെയ്യില്ലായിരിക്കും, പക്ഷെ
നമുക്ക് പതിവുപോലെ ശണ്ഠകൂടാതിരിക്കാന്‍ ആവില്ലല്ലോ;
എന്നിട്ട് കുട്ടികളെ വെറുതെ ചീത്തപറയാതിരിക്കാനും.
രാത്രിയില്‍... നീ;
ലോകത്തെ മുഴുവന്‍ പ്രശ്നങ്ങളും തലയിലേറ്റി
വിങ്ങുന്ന നെറ്റിയില്‍ വിക്സ്സുതേക്കുമ്പോള്‍
നിന്റെ നൈറ്റിയിലെ 3ബട്ടനുകളെപ്പറ്റി മാത്രം
ഞാന്‍ ആകാംക്ഷകൊള്ളുന്നു!!
kk/2008 mar 15
